News
share
《草蜢Be Three演唱會》第三場 趙學而、杜德偉靚聲勁舞撐場
2014-06-11

第三場(6月9日)《草蜢Be Three演唱會》前晚紅館上演,鄺美雲、林德信和C AllStar等拉隊捧場。前晚回復A餐rundown,但換上好朋友趙學而和即將踏上紅館舉行個唱的杜德偉擔任特別嘉賓,為觀眾帶來驚喜,傑仔更為學而呷醋竟公然撒嬌,非常搞笑。

前晚唱完《歲月燃燒》和《失樂園》等草蜢經典情歌後,蔡一智感性地說:「呢啲舊歌同大家一齊成長,每次聽返就會諗吓當時同邊個一齊,好多回憶。以下呢首情歌要熱烈掌聲邀請特別喜賓,我哋都有好多回憶,佢就係把聲好好聽既『HiFi天后』趙學而。」梳了Allback髮型襯白色長裙的學而,感覺非常清爽,她升上舞台,全場觀眾報以熱烈掌聲,蔡一傑更帶頭與觀眾一同大叫「學而學而」起哄,逗得她哈哈大笑,又謙說:「咁又唔係『HiFi天后』。」蘇志威(阿細)和傑仔異口同聲,大讚學而唱的HiFi發燒碟非常正,超班水準。

然後學而和阿智話當年,她說:「我哋識咗咁多年,好少幕前合作或合唱,但幕後創作就唔少。」阿智自爆:「當年我做學而既唱片監制,其實因為睇中佢嗰首《尋開心》,我好鍾意,諗住做監制借意將首歌據為己有。」他們有說有笑,站在她身後的傑仔醋意大發,對她撒嬌說:「你望住阿智得啦!」學而立即上前擁抱又安撫他說:「你唔好啦,我要聽大哥哥講嘢嘛!」之後阿智和阿細落台,傑仔獨霸學而手拖手合唱《愛一次便夠》,學而表示常在卡拉OK與其他男仔唱這首歌,終於可以和原唱者合唱,深感興奮。他們不但十指緊扣,傑仔更從後攬住學而唱歌,非常冧,觀眾也如痴如醉。

之後另一位特別嘉賓杜德偉出場,他首先獨唱《影子舞》,觀眾站起來一齊跳。唱到尾聲,草蜢急不及待衝上台與他Jam舞,全場氣氛高漲。阿智表示好期待杜德偉8月紅館開騷,傑仔向觀眾笑說:「你哋睇吓,我哋幾十歲都跳得咁勁,你哋唔好淨係坐喺度食,要起身跳吓!」阿細立即講出今次草蜢演唱會口號:「我要跳舞,唔跳會老!」他們合唱梅艷芳經典快歌《冰山大火》,全場瘋狂。

演唱會結束前,草蜢特別表示要將演唱會送給已故恩師梅姐,感謝她的教導和支持,全場同聲吶喊梅姐英文名字「Anita」,場面感人。然後草蜢憑歌寄意唱出《永遠愛著你》,為第三場紅館演唱會畫上完美句號。

Website Security Test