长腿美女卢慧敏（Amy）在梁家树及谢颖担任总监制的电视剧《叠影狙击》裏，摇身一变女杀手，这是她人生第一次埋位演武打场面，拿起手枪在街头驳火，还狂跑几条街追杀目标，40吋长腿飞踢动作，非常有型，不过Amy自爆首日开工才发现疑似患上「跑步困难症」，跑姿古怪，更自嘲似蟹又像马，为了跑得靓和穿高跟鞋跑步，急请武术师傅上课「恶补」！
「第一日埋位拍动作场面，亦系我人生第一次动作场面和揸枪，好兴奋，可以试新嘢！我角色系女杀手，由表情、姿态，同埋处事方式都好有型、狠和果断。我庆幸今日未有太多动作场面，浅嚐一下，最开心发现自己好多缺点。首先我有『跑步困难症』，唔可以跑得好有型，可能由细到大，我只会喺危急关头先至会跑，当然唔会理仪态和仪容，所以今日就发现自己跑起嚟，跑姿好似一个蟹和马沟埋嘅生物，真系要好好改善。」Amy好搞笑。
其实最大挑战是穿高跟鞋跑步，她说：「我做Model或平时工作，经常着高踭鞋行和企，虽然唔可以话系乜嘢『强项』，但至少习惯晒，一定无问题。不过今次拍戏要『跑』就系一大学问。需要平时唔用嘅肌肉帮手，先至可以好稳阵和做出有型跑姿，我真系要搵武术师傅再研究和上堂学习。」
戏中Amy与黄宗泽有不少对手戏，她感谢对方的耐性。「多谢黄宗泽同导演，佢地对我好好、好有耐性。我无咩拍戏和武打经验，但因为时间紧逼，未必每次都一齐睇playback（回看），好依赖大家嘅信任。」Amy感谢他们指出她的缺点，让她对症下药，好好改善。她说：「佢地好仔细咁同我讲解，我做得唔够鲜明，镜头前讲求好高嘅清晰度，动作要好利落。少少似音乐，每一个动作都好似打一下拍子，要好清楚，呢啲全部都系佢哋经验分享。」Amy表示得到前辈的指导，好感恩，她说：「真系好宝贵，我由零开始，好需要实战经验。见到自己嘅『不足』，先可以进步。过咗今日我又进步咗，我鼓励每个人尝试多啲认为自己觉得好困难、好辛苦嘅事，要一日比一日强！」
