由刘伟强和麦兆辉执导的经典电影《无间道》2002年12月12日香港上映，本月12日刚好上映20周年，寰亚电影不惜工本，使用先进的 4K 数码復修和杜比全景声(Dolby Atoms)环迴技术，把原版电影拷贝的声画质素大幅跃升， 并定于首部曲开画的同一天，即下周一让《无间道》、《无间道 II》、《无间道 III 终极无间》重新公映。日前刘伟强导演惊喜现身优先场，与首批在戏院欣赏完成品的观众见面，现场除了《无间道》的忠粉，亦有不少音响发烧友，刘导坦言心情似「嫁女」。
刘导说：「20年前拍摄《无间道》好似生仔，今次就好似嫁女，好开心，20年后重新修復和重新上映，真系好开心。（边一个场景特別期待修復后在戏院睇？）无喎，因为每一个场景都好特別。」刘导更即场畀「贴士」观众，未开场就已经是精彩位，他说：「当年我哋拍《无间道》好清晰要带观众投入，所以一开场credit位已经做得好好。然后喺个庙『噹』嗰一声都好睇，有啲人锺意两个主角喺天台、黄秋生跌落嚟，其实就连郑秀文嗰场问『到底你系边个』，呢啲文戏都好睇。」
有观众问点解当年拣蔡琴的歌《被遗忘的时光》呢？刘导说：「好多年前我哋玩音响嘅人，都会攞呢只碟嚟试机，当然首先因为蔡琴嘅歌声好靓，而且佢呢张碟嘅质素好高。当我知道要拍一场刘德华同梁朝伟，喺HiFi舖相遇嘅场景，我专登去搵一首歌放喺呢场，其实连歌词都好配合到佢两个人戏裏面嘅身份。当时好多人都唔知道，呢首歌将会爆红，影响咁深远。」有观众问刘导会否另外再剪辑导演版？刘导说：「唔会，依家已经系最好嘅版本！」他还透露明年将推出《无间道》电影系列的4K Blu-ray版。
