「我要买GTR」、「我要做车手」、「小心甩尾呀」、「条友真系唔识架喎」、「人无事先可以做世界冠军嘛」⋯⋯20年前神片《头文字D》重返大银幕，三秒一句经典对白，戏迷津津乐道。寰亚电影推出「斗爆金句场」，观众一齐狂抛对白，全场男观众齐讲「我买咗件好性感嘅泳衣」，非常震撼。门票开卖即爆满，反应热烈，不停加场。而《头文字D》4K修復及杜比全景声版重映即登上港产片票房第一位！
刘伟强导演前晚突袭其中两场「金句场」，因为全院满座，他只好偷偷坐在楼梯位，感受观众斗讲金句的威力。映后，刘导惊喜现身，观众争相抛出心水金句「三万蚊过夜」，亦有人边讲「我唔会输俾同一个人Twice」边做招牌动作，非常热鬧。刘导说：「好开心，我知道有呢场『金句场』，今日特登返嚟。我嘅金句系『我要GTR』，当年拍呢套戏，我个仔10岁左右，佢睇完戏就不停话『我要GTR』。嗰啲『三万蚊过夜』系你哋大人嘅金句！」
不少观众表示第一次入戏院睇《头文字D》，有人即场要求刘导推出4DX版，他一秒答应，全场欢唿。身为电影摄影师之一，刘导自豪地说：「好多镜头都由我揸机拍，由车碌pan入车厢、好准确咁pan到AE86冲出嚟，其实好难。我谂后继无人，因为真系太危险，所以我要亲自揸机。有啲镜头，架车近到就喺我块面旁边擦过。呢个都系我唔再拍嘅最大理由，因为真系会死㗎！」
看见观众热情反应，刘导坦言20年前他搵命搏都是值得，他说：「今日见到你哋嘅反应，同埋睇返啲画面，感觉唔系20年前一嘅戏，好似啱啱新拍出嚟嘅电影，依然好trendy，所有演员都做得好好，都系Lucky！」他笑言：「估唔到20年后仲可以重映，20年后我仲企喺度，仲未死，真系好开心，多谢大家！」散场后，观众排长龙请刘导在戏票和海报上签名和合照，突然变成签名会。有观众以金句「twice」表示会睇多两次，刘导笑说：「睇两次点够喉？睇多十次八次啦！」
