凍齡男神鄭伊健主演電影《久別重逢》聖誕上映，口碑載道，日前他與女主角許恩怡（Natalie）、電影原創音樂主理人陳光榮、導演梁禮彥和主持人李澄（西瓜）等到戲院謝票，期間更驚喜亮相伊健歌迷會包場次，全場興奮尖叫。伊健表示：「拍攝過程我好享受，好開心同陳光榮再次合作。估唔到之前同Natalie食過一餐飯，幾個月之後就喺電影上合作，無諗過會同咁年輕嘅演員做對手拍電影。」
陳光榮讚歎伊健演技，說：「我做配樂嘅時候睇到電影，最難忘伊健第一個鏡頭，睇到佢秒速入戲，好勁！」主持人西瓜笑說：「伊健用『秒速』打破『極速』！」伊健透露：「我同陳光榮合作咗好耐，近年主要喺演唱會合作，知道梁禮彥導演話想寫一個音樂人嘅電影，我就介紹佢同陳光榮認識，佢哋密密斟之後就寫咗呢部電影和好好聽嘅歌。」
陳光榮讚Natalie 勤力，說：「戲中佢有一場彈琴戲，佢本身唔識彈琴，我幫佢寫咗一份簡單嘅琴譜，佢好勤力練琴。拍攝時一take仲加上演戲，真係好叻女！」Natalie 表示很高興跟伊健合作，說：「同伊健哥哥拍戲好開心，佢唔只會諗自己嘅角色，佢會諗晒成個劇本，照顧整部電影每一個人嘅角色，佢幫咗我好多。佢好nice令現場氣氛輕鬆，我哋喺片場練『懸浮滑步』舞步，好開心。」
此外，他們謝票期間巧遇另一部電影《破。地獄》導演陳茂賢和女主角衛詩雅在另一場次謝票，他們互相打氣和合照留念。
