唱作人陈健安（安仔）一连四场《Live afteR Life 陈健安2024演唱会》，前晚（3日）在旺角麦花臣场馆圆满结束，安仔妈咪坐正第一行睇足全场，又喊又笑，还跟观众一同站起来挥手跳舞，十分投入。安仔开骚C AllStar好兄弟梁钊峰、乐队Nowhere Boys的Van、女团Me&的Vian、同门师弟蔡浩然（Scott）和洪端珙（阿珙）、好友麻利、锺雪莹、造星V囝囝Tsoul、希晋、Hei、猫仔和乐庭，以及女团LollyTalk等捧场，非常热鬧。
完场观众不散场大叫encore，安仔再度上台，他向观众席抛出纪念品冷帽，被台下LollyTalk成员阿蛋接到，她兴奋立即戴上。观众大叫「除衫」，安仔扮听不到，连唱三首歌，包括慢版《唔明你讲乜》、《炼狱健身室》和钢琴版《仍然是那个少年》，然后突然除去身上演唱会Tee恤抛去台侧观众席，全场尖叫起哄。最后他说： 「我好开心、我好满足，我嘅第一个演唱会有你哋一齐见证，期待大家嘅千字文，我会好好品尝，希望大家好好回味呢个演唱会，多谢大家！」然后衷心鞠躬致谢，全场掌声欢唿，演唱会完美落幕。
完骚后安仔返到后台，说：「真系好开心，好感动，好难得完成四场演唱会，第一次一个人唱晒4场，之前真系有啲担心，今日我好满足！妈妈嚟咗睇两场，开场第二首歌《爱的一种练习》，每次唱都会搵吓妈妈。之前我开新碟发布会专登唔唱呢首歌，留返有full band咁唱畀佢听。第一场完骚后，佢同我讲佢喊，我话我喺台上睇到。」安仔演唱会和音「雷同二友」成员兼表演嘉宾谢芊彤对安仔说：「我见到你妈妈眼神，非常支持你，令我哋好感动。」另一位表演嘉宾，女歌手廖颖琛（iii）大赞台下安妈悉心打扮，安仔爆料：「妈妈今日专登化粧Set头，佢平时无化妆架，每次佢去捧我场，例如之前颁奖礼，佢就会化妆扮靓，隆重其事，代表佢好支持我。」
芊彤笑言投诉在台上被安仔整喊，说：「我哋每晚都畀你搞喊，其实綵排已经喊，当时我心谂希望你唔好再唱。」另一位和音成员，「雷同二友」的谢芊蕾自爆，演唱会由第一首歌就开始想喊，一直忍住，她说：「其实安仔一讲嘢，就连开场前后台嗌Good Show我就已经喊啦！」安仔说：「第一场叫Good Show时我讲咗一句：你哋好重要！佢哋就叫我『唔好讲呢啲嘢啦』，我即刻转语气。」芊彤说：「因为我哋真系感受到你觉得我哋真系好重要，好真心，所以感动。」安仔坦言台上尽量避免眼神接触，以防眼泪决堤。而iii与安仔回味台上合唱《雷公》的火花，她说：「感觉好正，一方面吵架，一方面好有爱。」
演唱会圆满成功，安仔最想食火锅和饮冻柠茶，他说：「我为咗演唱会食清淡啲，不经不觉戒口个多月，主要食粥，整个月无饮冻饮，依家好想饮冻柠茶、食肥牛、炸响铃，仲要有咸蛋黄嗰款，唔邪恶唔食。」
