郑伊健「HERE & NOW EKIN IN CONCERT 2024 LONDON」当地时间7月6日晚上,在英国伦敦Eventim Apollo举行,两度encore,歌迷反应热烈,伊健感动3度唱到眼湿湿,唱《我的歌》时他强忍泪水继续唱。小师妹黄淑蔓Feanna冧庄随团演出,与伊健师兄合唱《一对对》、《心照》和《For U & Me》等,她同时亦担任乐队和音,多才多艺。
今次巡唱伦敦站仿如「大型K房现场」,因为无论伊健唱《友情岁月》、《一生爱你一个》、《感激我遇见》等冧歌,还是《极速》和《自动胜利Let’s Fight》等快歌,都全场观众大合唱。歌迷更热情地挥动灯牌、手机灯星海,甚至涌到台前握手,非常投入,就连小师妹黄淑蔓Feanna唱伊健出道柠檬茶广告歌时都跟住唱,伊健见状即兴重演广告情节和经典对白,台下尖叫声不断。适逢开骚当日举行欧洲国家盃赛事,伊健说:「我第一次英国开骚,好难得,多谢你哋选择唔睇波,嚟睇我演唱会!」
伊健台上演唱多首经典作品《Beautiful Day》、《吻感》、《心照》、《发现》和《我的歌》等,都出自填词人黄伟文Wyman手笔,当晚他亦是座上客。伊健说:「我做咗歌手好耐,你哋知唔知我有段时间无唱歌?跟住就开咗一次演唱会⋯⋯其实当时我好担心,因为好耐无做过,点算呢?周边啲人同我讲『唔使惊架』、『畀心机啦』。陈光荣话写只歌畀我,写咩歌好呢?我好好彩遇到黄伟文Wyman,佢今晚都有嚟!」全场起哄。伊健续说:「其实佢写咗好多畀我,头先我都唱咗好多首都系佢填词。但呢首歌好特別,叫做《新歌》,我唔知大家有无听过,因为嗰阵时我低低地潮,有新作品都未必咁多人知道。」这是伊健2009年发表的作品,同年年底在红馆举行个唱。
「讲返呢只歌,点解叫《新歌》?当年我睇歌词问点解,点样『新嘅我』?嗰阵时理解能力有限。但今日攞返首歌出嚟,我同陈光荣讲:『哗,原来呢首歌唔系讲我喎,系讲一个人生。』我唔识讲,不如唱啦!」伊健被歌词感动眼湿湿。唱完他深唿吸,整顿情绪后唱出演唱会最后一首歌《Together》,他说:「做人要开心啲!」舞蹈员带埋几袋crew tee「手信」出场,与伊健一齐抛入观众席,全场兴奋站起来,非常热鬧。
完场歌迷不散场,狂叫Encore后伊健再度出场,他唱《动地惊天爱恋过》时看到台下歌迷全部站起来,挥动手机灯,他又再眼湿湿更一度哽咽,观众欢唿声和掌声打气。他说:「所有歌真系唱晒,导演叫我出嚟唱多首歌。点都好,多谢你哋,无离开,Thank You!我演唱会有个特点,就系希望大家开心,所以点都要加多只歌。希望大家开心咁离开呢个地方,记得我哋今日聚过,希望后会有期。」以《你的我》为巡唱伦敦站划上完美句号。接着,本周六(13日)伊健带埋Feanna到马来西亚云顶继续巡唱见歌迷。
而Wyman在IG先后出了3个帖,分別与林珊珊、陈光荣和郑伊健合照,细数与他们认识的点滴。其中他表示好欣赏伊健:「相识接近30年,从来未试过同枱食饭,相熟程度自从我没做DJ嘅1998年开始,一直以『每5年倾到3分钟偈』嘅速度爬行,但没压力,因为没预定要去嘅目的地。亦完全无损『工作时互相信任、做人时互相尊重』嘅优雅距离,系,即系有距离,但系系优雅嘅。欣赏嘅人,唔使个个都做到好朋友嘅。我欣赏佢咩?佢系我识得嘅人里面,其中一个『最初心』『最无被世界改变嘅人』。」至于陈光荣,Wyman公开要求他举行作品展:「陈光荣先生,你快啲搞作品展得唔得?你啲好歌都储够有凸啦!」