「唱作王子」冯允谦（Jay）早前以「J星文」透露即将开户外骚大卖关子，引起热话。演唱会海报终于曝光，正式宣布，明年1月17-18日于西九文化区安盛竹翠公园，举行由寰亚娱乐及东亚娱乐主办、AXA安盛呈献《BLUE MOON WANDERLUST 冯允谦演唱会2026》。门票港币$1080、$780、$580，下周一（17日）早上10时东亚银行信用卡独家优先订票，Jay话斋「机会难能可贵」歌迷万勿错过！
今次是Jay首个个人户外演唱会，隆重其事，推出以「月亮」这个自然元素做主题的海报。Jay还介绍今次影海报其中一位「拍档」，他说：「因为今次演唱会名『BLUE MOON WANDERLUST』，同月亮有关，喺呢个咁精彩嘅布置，除咗我，仲有一位朋友：『月亮』，系一个蓝色嘅月亮。我好似一个巨人，将呢个月亮放喺大自然裏面。」至于花花布置，他说：「今次演唱会充满『爱』同埋『温暖』，所以用花花营造呢种感觉。要多谢设计团队好有心思整咗呢个布置，完全不同感觉，我好期待。」
对于演唱会命名「BLUE MOON WANDERLUST」，Jay解说：「英文有一句谚语『Once in a blue moon』，意思系rare occasion（难能可贵）。就好似今次，系我第一次个人户外演唱会，做完唔知几时再有机会，系一个好特別、好难得嘅机会。而『WANDERLUST』 意思旅行、探索、走来走去，希望未来我嘅歌去更多地方，唱歌畀大家听。」
每次Jay开骚，父母都会拉队捧场，今次亦不例外，他说：「我谂佢哋会返晒嚟，每一次我开演唱会佢哋都好支持，因为每一个骚对我嚟讲都系大件事，我好想同我爱嘅人一齐去享受，所以除咗屋企人，特別好想见到我啲Fans。」
