香港殿堂级跳唱天团草蜢出道逾40年，将于今年4月28日至5月3日，假红磡香港体育馆举行一连6场「中银信用卡呈献Grasshopper Three In Love 草蜢演唱会2026」，门票分別为港币HK$1280、HK$780、HK$580。2月4至6日中银信用卡独家优先订票，2月10日URBTIX 城市售票网公开发售门票。演唱会型爆海报今日率先曝光，草蜢预告有惊喜，除了追随逾40年的「元老粉」尽享回忆杀，更为GenZ「嫩粉」特设专属歌单，总之全场all in跳到尽！
草蜢日前才刚刚完成上一个演唱会世界巡演，马不停蹄，立即展开成军40周年全新企划，并以今年4月红馆演唱会揭开序幕。早前他们一身华丽造型拍摄演唱会海报，蔡一智（阿智）说：「记得上次影演唱会海报系2022年，眨吓眼上一个演唱会做咗几年，今日我哋又再靓靓仔仔影全新演唱会海报，时间真系过得好快。」
苏志威（苏老闆）说：「今日见我哋着到咁闪咁靓，就知道我哋嚟紧4月演唱会有几咁靓。」阿智扬言影海报只是「头盘」，正式开骚的服饰和舞台布置将靓多十倍。蔡一杰（杰仔）说：「我哋由早上开始，拍咗接近七个小时。我噚晚敷咗几个mask先至瞓，确保今日好fresh。」三子状态大勇，不停攞甫士、换靓衫，一丝不苟。
海报拍摄班底阵容强劲，创作总监朱祖儿、摄影师Sam Wong和化妆师Eunice Wong等都与草蜢合作无间，朱祖儿更是由草蜢第四张唱片开始合作，接近30年，一手包办他们的唱片和演唱会海报。阿智说：「我哋呢个组合好多年，好有默契。今次最难系我哋三个分开拍摄，互相唔知道对方嘅动作，要估对方做咩动作。」打头阵的杰仔说：「我要考虑埋佢两个会点做，手势动作幅度唔可以遮到佢哋，要靠想像力。」合作了逾40年，草蜢默契不容置疑。
至于演唱会歌单，由于草蜢三子、经理人林珊珊，以及Fans都各有心水，所以还在计画中。杰仔说：「我哋做咗40几年，好多心机血汗，歷年来做过嘅唱片入面，就算精选都好多，真系唔知唱边啲歌好。」阿智抢先预告将为GenZ炮制专属歌单，杰仔说：「依家大热Cantopop，我哋嘅歌完全中晒所有朋友嘅心，可以一齐玩，一定非常开心。」阿智笑说：「想体验『沉浸式港的士高』嘅朋友，今年四月，你发达啦，有草蜢陪你！」
苏老闆表示：「呢个世界太无常，唔知几时再有下一次，所以要珍惜今次！」阿智认同：「上次开红馆仲系疫情，观众都戴口罩，今年大家可以尽情尖叫，我哋亦可以见到观众嘅笑脸，可以一齐大合唱！」杰仔扬言稍后公布dress code，希望观众一齐打扮得靓靓，尽情投入草蜢演唱会世界。
