鄧麗欣（Stephy）相隔9年再推出全新單曲《戲一場》，於MCL K11 ArtHouse戲院舉行新歌MV首播會，近百粉絲到場舉牌應援。新歌的編曲兼監製蘇道?，以及MV導演Maggie到場支持，他們鍟別上台分享與Stephy錄音和拍MV的難忘事。
片長逾3分鐘的MV充滿電影感，她一人分飾兩角，除有飲酒、抽煙外，還有跟電影《九龍城寨之圍城》的「四仔」、武打演員張文傑（German）激咀及床戲。原來今次MV奪走了張文傑的螢幕初吻，Stephy笑言：「我喺現場先知奪咗佢螢幕初吻，唔好意思啦！」問到拍Kiss戲前可有跟圈外男友備案？她竟說：「我知要拍咀戲，但我太忙，事前唔記得同佢講，事後佢知道咗就問可唔可以Cut晒，不過佢講笑啫！（Kiss戲好激情。）其實都靚嘅，同埋呈現到我想講嘅嘢，因為MV得3分鐘幾時間，如果冇呢啲畫面好難去交代劇情，但出嚟效果比想像中好，都開心做到歌曲同電影結合。」她又表示MV拍足24小時，又要走景，相當疲累，她說：「拍戲都未試過連續20個小時，最緊要出嚟效果好好。」
