鄧小巧日前為新歌《心靈作家》在海洋公園的水族館拍MV，面對巨型魚缸，看著一群小魚和珍貴品種的海洋生物，小巧顯得好興奮，說：「被一群魚擁抱嘅感覺，孤獨又平靜，每個人都需要同自己獨處嘅時間，聽清楚自己內心嘅聲音！」 相隔9年再踏足海洋公園，小巧充滿好奇，說：「變咗好多，剛才見到噴泉表演好精彩，可惜今日嚟做嘢，接近閉門先至入場拍攝，無得玩！」言而當她踏入「海洋奇觀」看見超巨型魚缸時美呆了，她說：「我最鍾意魔鬼魚架，嚟到見到好斧頭鯊、蘇眉，仲有海星和長腳蟹，好開心。最初MV導演阿聲構思喺水族館拍攝，我以為佢講笑，結果夢想成真！」 小巧認為水族館的環境與《心靈作家》歌詞非常配合，她說：「呢首歌由林家謙作曲、林夕填詞、謝國維監製。歌詞內容講一個人點樣同自己溝通，雖然好似好孤獨，但係必須。踏入水族館覺得整個世界靜止咗，見到啲魚游嚟游去，感覺好自在又好孤獨，其實每個人都需要呢個時段。被一大群魚擁抱，好溫暖，心靈好平靜好舒服！」她笑言造型一身黑色飄逸長裙，配合水底世界，又似水底女皇！其實小巧與水有綠，之前幾次MV都在海邊或者以水做題材，今次實行走「入」水底拍攝，其實她本人亦喜歡水上活動，有玩獨木舟、直立板和划艇等運動。
