今年《第六屆KKBOX香港風雲榜》日前假灣仔會展Hall 5BC舉行，雲集本地最強人氣歌手於會上演出，為入場的樂迷帶來最具活力、最精彩、最難忘的音樂盛會。去年未有舉辦實體頒獎禮，各得獎單位未能與樂迷齊齊享受現場音樂的獨特魅力，大會藉着今年的舞台，重新邀請「唱作王子」馮允謙（Jay）等去年得獎者擔任表演嘉賓，於台上施展最強個人實力，讓樂迷近距離感受本地音樂的獨有共鳴。
Jay與網絡世界人氣高企的高爾宣OSN、MC張天賦聯乘送上一連串的 Hip-hop 與 R&B 旋律，《七點半鐘的陽光》、《回到過去》、《Circles》X《Preciously mine》、《All that I want》、《Good evening》、《Loser》以及《Without you》，高爾宣更即場唱Rap，施展他的說唱功架，全場尖叫如雷貫耳。
Jay於演出後受訪，他大讚是次的表演組合很難得：「高爾宣首Hit歌《Without You》我之前已經聽過，好鍾意，不過我唔認識佢，今次發現佢好熱情，今日要喺台上唱都有特別練吓，尤其啲歌詞唔可以唱錯，唔係就好瘀。MC之前都有合作，但係今日要同佢唱周杰倫首《回到過去》，我都有啲緊張，同埋今日有試吓Rap，睇吓有冇機會造啲Rap歌。我都鍾意同唔同音樂人合作、識新朋友，高爾宣問我會唔會去台灣工作，不過我啲普通話真係好唔得，之前有學過㗎，但係太忙就冇再學。」Jay自爆兒時讀法文很高分，但現時已經忘記了，問他會否以創作普通話及法文歌為目標？他笑謂：「我唱好啲廣東歌先啦。」
而MIRROR成員呂爵安Edan、盧瀚霆AnsonLo和柳應廷Jer演唱Jay的作品《入場人士注意》，又唱又跳，他們表演時，Jay在舞台旁用手機拍片紀念。三子演出後與Jay後台相遇，Jay大讚演出精彩，他們透露特別參考Jay早前在「拉闊音樂會」台上舞蹈。
