2022年Joyce鄭欣宜首支話題作品、諷刺世俗只有單一審美觀的新歌《豐乳肥臀》，成功獲得不少樂迷共鳴，至於MV，Joyce以西部牛女郎型像示人，加上連串強勁舞蹈，令MV更俱觀看性，但Joyce對此非常頭痛，她說：「首先係首歌好激昂、好難唱，錄音前除咗要請教唱歌老師，錄音嘅時候作曲嘅T-Ma同樣俾咗好多意見我，然後到跳舞部份，因為排舞老師設計咗好多要坐喺地下嘅舞蹈，難度會高好多。」坦言花了不少功夫在舞蹈上的Joyce，還宣布一個好消息：「《豐乳肥臀》遲啲會有Dance Version Video，係我入行第一次，自己都好期待。」
為《豐乳肥臀》填詞的Wyman黃偉文，以body-shamers作為題材，由於Wyman對Joyce非常熟悉，每次合作，Joyce都會很放心地讓Wyman自行發揮。「但今次有少少唔同，佢打電話嚟問我，想呢首歌表達『惡』定係『Sexy』？由於我唔想將body-shamers嘅話題變得太激動，所以我最後揀咗『Sexy』，所以喺拍MV前，我除咗喺屋企對住塊鏡練咪嘴、練舞，仲不斷反覆練習一啲Sexy嘅表情，但嗰種Sexy，係俾人感覺好玩味、好調皮，所以對我嚟講，呢首歌，無論唱、跳、表情，都係一個挑戰。」Joyce說。
除了工作上的不斷嘗試，Joyce對自己的健康同樣著重，生酮飲食了一段時間的她，今年初開始有成果，Joyce更雙管齊下，上網搜尋運動影片，努力在家做運動。
「但我每次攤開張瑜伽蓆做運動，我隻狗就會八八卦卦走埋嚟，瞓上張瑜伽蓆阻住我做運動，搞到我唔知好嬲定好笑。」Joyce說。
