「新城勁爆頒獎禮2025」於12月27日在灣仔會展圓滿舉行，多個獎項經由樂迷及全民投票選出，現場氣氛熾熱。恭喜唱作歌手陳健安奪得「勁爆男歌手 銅獎」，這是他首個歌手獎項，表示好驚喜。他得獎感言多謝老闆林建岳博士和公司同事和歌迷支持，以及所有合作單位。接受訪問時，安仔說：「今年好開心做咗7首歌，出咗一張專輯，嚟緊舉行第一次個人戶外演唱會。仲有兩星期開騷，最近個多月閉關綵排，聖誕節都無出街玩，今日嚟到頒獎禮現場見到咁多人，有少少緊張。多謝今日捧場嘅Fans，雖然佢哋對我嘅愛好低調，但我喺台上見到佢哋舉起燈牌，溫柔地支持我，非常感謝。」
樂隊Nowhere Boys奪得「勁爆樂隊 銀獎」 ，主音Van代表致謝詞，說：「過往我哋做歌只求自己好玩，今年我哋以『信件』做主題，寫咗4封信畀社會上不同群組，多謝fans、多謝音樂，畀咗好多力量我哋，所以我哋希望嚟緊有生之年，透過音樂將力量交返畀呢個世界，多謝大家。」
而Feanna奪得「勁爆 Z 世代樂勢力女歌手 銀獎 」，她穿著黑色吊帶裙，修身成功，令人眼前一亮。她表示今年推出三首作品，得到好成績感開心，除了多謝公司、同事和歌迷，她特別多謝家人的照顧和自己的努力，承諾明年會繼續加油。
至於新加盟寰亞音樂的「小師姀」盧慧敏（Amy Lo）奪得首個樂壇獎項「勁爆女新人 金獎」，她坦言以前最怕唱歌表演，謝謝自己勇敢踏出第一步，現在好享受音樂。
