折骨舞王Ben（赵祥诚）日前为第二首派台新歌《我在每个宇宙都》拍MV，为配合天马行空的歌词，导演「邀请」很多手游和动漫角色跟他演出，他还一口气换了12套衫，配合这群CG嘉宾。不过狂换衫未算大挑战，拍外景遇上突然下大雨，临时撑着雨伞在街上又跑又跳，镜头内外都紧张刺激。
新歌《我在每个宇宙都》由Y.Siu作曲，雷暐乐填词，Y. Siu 和Edward Chan编曲和监制，Ben兴奋表示歌词中加入好多手游和动漫的角色，有趣体验由录音开始，他说：「过往作曲填词完成入录音室跟住唱，但今次全个团队齐集录音室，一边录一边加入创作，好好玩！例如歌词中提及『村民』，我之前玩一只Game叫『Minecraft』裏面有『村民』角色，佢哋只会发出『呀呀呀』声，于是监制就叫我扮呢啲声配合呢段歌词。填词人雷暐乐亦在场，即兴修改歌词，令到份词更有趣更好玩，原来录音可以咁样录，对我嚟讲系好新嘅体验。我自问无呢个才能，即兴谂到啱音又啱Feel又押韵嘅词，佢真系好犀利。」
Ben希望藉着新歌有趣的歌词，发放简单又快乐的正能量，他说：「歌词中好多虚拟角色，例如『Luffy』，我会幻想系海贼王路飞。仲有『薯仔天神』、『北斗』、『魔兽』呢啲词，都可刺激大家想像空间，谂到好多细个先会谂到嘅嘢，呢个世界就系需要呢啲好纯粹、好开心嘅能量。」Ben透露录音时他亦发挥创意玩反串，笑说：「Demo本身有把女仔声，录音时我参考IU和Jay Park合作嘅新歌，试吓唱出嗰种女神feel，点知结果唱咗个『观音版』！」其实监制早已邀请Ben的师姐黄淑蔓（Feanna）出「口」相助，featuring女声部份。Ben笑说：「好彩有Feanna帮手唱女声部份，监制保持神秘，我都系今日嚟拍MV先至第一次听，好好听！唔知将来有没机会畀大家听到我唱嘅女声版，笑死人！」
为配合天马行空的歌词，MV加入很多有趣的电脑效果，而Ben就换了12套衫穿梭不同宇宙，他说：「我第一次一天之内换咁多衫，就算之前拍广告或舞台剧都未试过，好好玩，每次换衫都好似入咗嗰个世界演唔同角色。」歌名《我在每个宇宙都》，Ben估计自己在每个宇宙都「跳舞」。果然今次MV中，Ben走到大街小巷都会跳舞，就算被蚊针到手肿又遇上狂风大雨，他仍落力跳。
