天后郑秀文（Sammi）最近将20年前经典作品《爱是...》重新启动，邀请哲学界KOL「好青年荼毒室」其中三位成员：猪文、盐叔和阿泉合作，以哲学角度讲爱情，炮制《爱是...2.0》，除了写Rap词还参与录音和拍MV。他们坦言最初接到邀请时，还以为是电话骗徒，就算后来见到Sammi本尊仍未感真实，好梦幻，大唿神奇。
「好青年荼毒室」由十三位研读哲学的年轻人组成，自2016年起在不同平台主持节目及发表文章，讨论哲学问题。今次参与《爱是⋯2.0》创作的猪文是牛津大学博士、盐叔是伦敦国王学院博士生、阿泉是香港中文大学哲学系博士生。Sammi自言是他们节目的Fans，她说：「有一天，我喺屋企忽发奇想，谂起20年前我首歌《爱是...》，经歷20年之后，喺呢首歌入面搵一个『爱』嘅答案，我好希望从哲学角度出发，然后就谂到『好青年荼毒室』。我一直有睇佢哋嘅节目，系佢哋嘅拥趸。我透过佢哋嘅节目，对哲学多咗认识。最初请佢哋写呢首歌Rap嘅部份，三位都系读哲学，搵佢哋写就最恰当。词方面，佢哋真系写得好好。后来再深化件事嘅时候，就谂到不如由佢哋Rap埋。虽然当初唔知道佢哋Rap唔Rap到，我我有啲战战兢兢，但佢哋话『会去学，会尝试去做』。佢哋搵真正Rapper朋友，认真训练，好有诚意，落咗好多功夫，效果我非常满意。」
盐叔说：「好多谢Sammi邀请我哋。最初第一个联络我，然后我通知其他人，大家都怀疑系诈骗。试谂吓『郑秀文搵我哋唱歌、写词，仲话一齐Rap』，直到终于同Sammi网上开会，以为感觉会踏实啲，但唔系。同Sammi网上开会喎 ？对我哋嚟讲好震憾。到依家见到真人都仲系战战兢兢。」猪文笑指开会时，众人不约而同拍下萤幕画面留念，他说：「我不断反问自己『点解郑秀文喺度？』『点解我哋一齐开会？』然后我见到Sammi都有影返我哋，好神奇！」Sammi笑说：「我都想留个纪念吖嘛！」
束了一头辫子的阿泉说：「其实到今日我仍然觉得成件事好神、好开心，无谂过会着呢啲衫、束辫、同Sammi一齐唱歌和拍MV。我哋好认真去写Rap词，期间好多创作意念走出嚟，写咩角度？以对话方式？会唔会有第三个立场？谂咗好多嘢。」Sammi对他们说：「唔使惊，只要认真去做就得架啦！因为『认真』就系核心，哲学毕竟系你哋嘅专业，用你哋专业知识放入呢首歌度，『认真』嘅态度，歌迷和听众都会感觉到。多谢你哋参与，从哲学角度去解构爱情，言之有物，为《爱是...》画上更完美嘅图片！」
