「唱作王子」冯允谦（Jay）昨日（29日）在将军澳 MCP 新都城中心举行个人大碟「EMO」签唱会，演唱碟内作品《无理取乐》和《会再见的》，千人围观，约500歌迷排长龙，大合照时更一齐高唿「Jay Fung I Love You」，非常热鬧。签唱会下午3时开始，唱歌表演后，3时45分开始签名环节。Jay除了签名和写感谢词，还逐一跟他们说说话，大约晚上8时半才圆满结束，期间排队的歌迷大合唱打气，而Jay笑言太投入为大家签名而忘记去洗手间。
签唱会顺利完成后，Jay说：「近年因为工作来去匆匆，无机会停下脚步同歌迷倾吓偈，今日可以逐个听吓佢哋对我啲歌和唱片嘅感受，有啲歌迷同我讲，我嘅音乐点样影响佢哋、陪伴佢哋、带畀佢哋正能量，对我嚟讲好有意义。因为我每次写歌做音乐就系希望令人有感受，听到佢哋嘅故事，知道我可以帮到佢哋，真系好感恩，好多谢大家。」他又称：「好感动，有歌迷为咗嚟今日签唱会，原本去外国旅行都改行程，或者专登留喺香港。仲有啲歌迷嘅男朋友或老公陪另一半嚟支持我，等咗几个钟，好有爱，我要向佢哋好好学习。」
不少歌迷花心思打扮，又制作礼物送Jay，有歌迷更抱埋BB排队签名。其中一位妈妈级歌迷对Jay说：「你去年第一次红馆演唱会喺台上打鼓，佢（指BB）喺我个肚裏踢我，今年你开第2次红馆演唱会，佢出咗世啦，所以带佢嚟见你！」亦有不少歌迷预祝他元旦日叱咤颁奖礼上有好成绩，为他打气。
明天除夕，Jay回望2024年十分感恩，他说：「今年好充实，完成咗好多愿望，工作上做咗好多演出，而且终于出到自己嘅大碟，又可以搞签唱会同大家见面，而歌迷愿意咁样排队等我，逐个逐个倾偈，对我好大鼓励，我真系好开心、好感恩。」2025年将至，Jay承诺继续冲，继续写更多作品回馈歌迷支持，他希望放假去一个从未到过的地方旅行，刺激创作灵感。
此外，Jay宣布好消息：「电影《得宠先生》 票房已冲破350万港元，多谢大家支持，系好大嘅鼓励，有好多朋友话已经睇咗唔只一次。而且电影将于一月喺英国上映，到时喺外地嘅朋友都可以去睇我第一部电影啦！」
