即将在七月份到红馆举行一连十三场演唱会的天后郑秀文,日前推出新歌《心魔》,已引来乐迷极大迴响,今日《心魔》MV正式上架,破格和充满电影感的拍摄手法,Sammi坦言入行以来从未试过。而今次《心魔》MV,Sammi专程飞到泰国进行拍摄,亦是她首次到当地拍MV,而且导演Kero、拍摄团队、40位舞者和排舞师都是泰国最顶尖的阵容,加上分別在旧式剧院和郊外的校园取景,Sammi表示MV每一个画面,都能震撼入心!
「今次MV比较特別,亲身飞到泰国搵咗一位当地导演操刀,整个拍摄团队、Dancers、排舞师等,全部都系嚟自泰国,去制作呢首新歌《心魔》嘅MV。点解呢?事缘喺YouTube睇到一首歌嘅MV,呢位导演拍摄嘅风格,我好锺意,入咗脑,记喺心裏,好大嘅憾动,如果搵到佢拍MV一定可以将首歌昇华,多谢经理人(郭启华)搵到呢位导演,做到呢件事。今日我就飞到泰国,整个拍摄我觉得非常值得,团队专业,处理画面、意境,歌词裏面最深入嘅灵魂,我觉得系拍到呢首歌嘅灵魂,呢一点相当重要,我自己一路拍摄,某啲镜头我甚至会起鸡皮,Dancers唔只系跳舞,佢哋身体嘅率动,都好多情绪喺入面,绝对帮我呢首歌画面处理到真系极緻嘅状态。」Sammi说。
今次MV的行程相当紧密,Sammi黄昏抵达当地后,马上回酒店进行fitting、试戴不同颜色的隐形眼镜、戴上MV中的长假髮给髮型师进行修剪等,翌日早上九时便埋位拍摄,当日气温高达三十六度,Sammi一直在闷热的外景进行拍摄,直到凌晨一时才收工,为在演唱会前夕保持最佳状态,Sammi未有机会品尝当地美食,但她觉得一切的辛苦都是值得,尤其与四十位泰国Dancers共舞的画面,充分地表达到歌曲的意境及主题。
「其实好多唯美嘅画面,亦有勾画心魔嘅意境、意象,呢啲意象都系用人嚟堆砌,我哋搵咗40位Dancers去拍摄,即使系一个好简单嘅动作,人多动作又齐整嘅时候就有一种好强大嘅震动感觉。歌词好容易令人进入歌曲情绪,所以好拍到《心魔》嘅主题。」
MV中,Sammi有不少独特造型,其中一件大褛因为重量十足,令Sammi举步难行,另外身上的纹身贴纸,要花上近四十五分钟剪贴,每一个造型、细节都非常用心。问她拍MV最难忘是那个时刻和造型?她说:「每一个时刻、每一个场境我都好锺意,导演处理每个场口和细节,灯光和意境都好唔一样,再加上我为咗呢个MV做咗好多造型,营造气氛,完全拣唔到,每一个场景我都未拍过,就连类似都未试过,所以感觉好新鲜。」
能够顺利完成《心魔》MV,Sammi坦言非常感谢唱片公司的支持,她说:「整个MV嘅筹备过程,我交晒俾经理人处理,要多谢唱片公司支持我飞咁大个团队嚟泰国拍摄。至于我嘅准备,我即刻谂到歌曲混音部份,点样做先可以将歌曲嘅意境提升?点样将成首歌嘅歌词和音乐嘅灵魂完全呈现。仲有造型都好多和特別,好快就谂到髮型和化妆,脑裏面有好多形象呈现。去到现场,最震憾系舞蹈,甚至对嘴唱歌部份,有好多连我自己都意想不到,勾起我好深好Deep嘅情绪走出嚟,令到画面好强烈。因为嗰刻情感系真实,Dancers亦都系带住丰富情绪演绎,某啲场面有啲毛管戙,一切都来自真挚嘅情绪。」