「唱作王子」冯允谦（Jay Fung）最近担任《全民造星V》蓝组导师，除了指导一班囝囝唱歌表演，更给参赛者实战机会。Jay日前为新歌《寻找隐世巨声》拍MV，歌词有关追梦和坚持，精挑四位得意弟子王锋、乐乐、Jason和Carson上阵。对于Jay在节目中被花姐指摘太善良，四位弟子扬言要好好保护温柔的Jay老师，以行动证明不一定恶老师也可以出高徒。
Jay说：「今次拍MV嘅新歌《寻找隐世巨声》，我有份作曲、编曲、监制和填词，搵埋T-Ma一齐编曲和监制，仲邀请咗一位新合作嘅朋友梁栢坚填词，Young Hysan写Rap词。歌词内容讲梦想、坚持自己嘅风格去追梦，我好锺呢首歌，好想同大家分享。」在刚举行的几个乐坛颁奖礼中，Jay共夺得十个奖项，成为歌手之冠，问他满意吗？感到压力吗？他说：「我好满意去年自己喺乐坛嘅成绩，有人问我会唔会更大压力？我觉得做音乐唔系特別为咗奖项，重点系做好音乐，压力唔系嚟自有没奖。」
今次挑选四位造星学员参与MV拍摄，Jay逐一介绍，说：「有好健硕嘅乐乐、好乖仔嘅Jason、好靓仔嘅王锋，同埋好唱得嘅Carson。」Carson问他：「我都靓仔。」Jay哈哈笑说：「靓仔！成日问我你靓唔靓仔，哈哈！」他又笑言连埋他本人组成新Band「Rawrr」。他对四人说：「你哋今日嚟唔系做茄喱啡，真系有角色，我要睇到你哋有演技，紧唔紧张？」他们异口同声表示已从另一位导师韦罗莎（Rosa）取经，学到很多演戏技巧，拍MV可以大派用场。王锋笑说：「我哋今日系饰演一队，我系一个唏嘘嘅乐手。」Jay说：「王锋好正能量，思想好正面嘅人，好适合呢个角色。」虽然Jay形容Jason乖仔，但拍摄他解开恤衫钮，坏孩子低胸造型令人眼前一亮。Jay笑说：「佢系隐性Bad Boy，同我一样，内心都系Bad Boy。」
拍摄MV前夕刚好开播《全民造星V》，眼见Jay导师被花姐在节目指摘太过温柔善良，担心他很难驯服一班学员。四位弟子立即为Jay平反，乐乐说：「最初觉得Jay好温柔，认识后觉得佢比想像中更温柔。」Jason坦言：「以前只系觉得Jay唱歌好好听，比赛认识佢之后，发现佢对我哋个个都好好，所以佢叫我哋嚟拍MV即刻到，多谢佢谂到我哋，好惊喜！」王锋说：「我哋睇到花姐鬧Jay，唔知点解好想帮佢平反，好想好好保护佢，佢系我哋好可爱嘅脆弱小宝贝。」大卖口乖，凼得Jay好开心。Jay说：「我系一个Good Guy，没鬧过佢哋。点解我没鬧佢哋？因为佢哋好乖。其实我好幸运，遇到每个学员都好勤力好乖，唔使我好恶，佢哋都可以好好。」
