「唱作王子」冯允谦（Jay）在新歌《吉卜力》MV中，化了一脸红卜卜的「醉酒look」拍MV，在充满CG和真人的幻想世界中，遇上很多有趣的事情，更与耍太极的老人家过两招，非常有趣。
新歌《吉卜力》由Jay、陈考威和黄兆铭作曲，Wyman填词，黄兆铭编曲。MV由导演Sheng操刀，故事由Jay在公园的长櫈上孤独地吃两餸饭、喝啤酒过生日，被小黑猫吸引而追着牠，他在公园被老人家耍太极拳推走，突然跌入神秘空间，开展奇幻经旅程。Jay说：「每个人都有自己嘅想像力，Imagine Land。呢首歌系希望大家遇到唔开心嘅事情，多啲想像力，令世界更美好。」
饰演「少年版Jay」的新演员王耀宏（Meaning），被指与Jay撞样，虽然MV中沒有同框，但二人在拍摄现场相遇，工作人员都指他们好似样。Meaning害羞地对Jay说：「我好开心人哋话我样似你，其实我更想唱歌似你。」Jay说：「你得嘅，唱歌唔使似我，要有你自己嘅声音。」当Jay知道Meaning跟黄淑蔓（Feanna）上堂学唱歌，即问：「佢有没鬧你？」 Meaning说：「佢系严谨同埋认真嘅老师！」Jay笑言以为Feanna不捨得鬧靓仔，离场前为Meaning打气，叫他 「加油」！而最近参演电影《不赦之罪》的陈书昕（Sheena），在MV中饰演由猫咪化身的日系少女，与「少年Jay」Meaning玩转奇幻世界。
「今次MV好有趣，加入CG同真人一齐，例如有一幕我掂到某啲嘢就被吸咗去另一个世界，我要加入好多想像力去演，要畀咩表情？又唔可以太over！不停问啲同事我演成点？佢哋话OK我就放心，我唔系专业演员，仲需要培训。今日好好玩，同导演Sheng第二次合作，佢好好，指导我要点做，拍得好愉快。」《吉卜力》歌词意思是投入幻想世界，开解内心的不快乐，Jay亦公开他的「开心秘笈」，说：「我好锺意食嘢，但因为要开骚要keep fit唔可以食咁多。仲有，我锺意睇电视。」
「最近又翻睇宫崎骏嘅《龙猫》，小时候睇同而家长大后睇嘅感觉好唔同，细个觉得啲图画好靓、公仔好得意，长大之后睇就感受到当中深层嘅讯息，讲家庭嘅爱、童年、人同大自然嘅联系。」Jay自爆平时都爱幻想，有时会想到傻笑，他说：「有时会谂到啲古灵精怪嘢笑咗出嚟，作为一个创作人要多啲想像力，谂到啲得意嘅idea就会忍唔住笑。」
一向官仔骨骨的Jay在MV变身头髮凌乱和脸红红「醉酒look」，他笑说：「今日天气好热又勐太阳，有人问我系咪晒伤咗，非常搞笑。」问到酒量如何？Jay笑说：「有一次同成班同事食饭，好开心我就饮多几杯，全公司都以为我好饮得。虽然我唔系好劲，但我唔怕架！」
