云浩影（Cloud）日前为宣传新歌《你的损失》，在铜锣湾行人专用区，设了一个红色怀旧电话亭，她化身「心事聆听专员」，透过电话专缐聆听「迷云党」（Cloud歌迷暱称）的心事，她坐在电话亭外优雅的枱椅前，写下专属密语在小卡上，为对方打打气。活动吸引途人围观，非常热鬧。Cloud自言并非专业感情专家，最擅长解答青春期烦恼。
「今日喺度听啲朋友仔倾诉，听吓佢哋嘅烦恼，系『心事台』。有啲系爱情烦恼、父母想知点样同子女相处？关于友情啦，例如就嚟毕业，友情点样维繫？亦有讲暗恋、情侣间相处等等⋯⋯听到好多唔同嘅故事。」Cloud每一位都细心聆听，亦有给予意见。她说：「我都锺意畀意见，因为好多人问我嘢，都系想知我嘅角度点睇，畀完意见我都会戴返个头盔，始终情况真?实系点，只有你自己知，我嘅意见只用作参考。」
每次Cloud 推出新歌，都会收到好多留言，她说：「有朋友仔会话我知，佢哋都身同感受，首歌好鼓励到佢哋，亦都好多人搵我倾心事，听到好多故事，今次可以直接回应到大家。」她扬言最擅长解答青少年的烦恼，说：「大约11至25岁嘅青少年，即系青春期。」而她的青春期烦恼，就向父母和身边的好朋友倾诉，试过煲通宵电话粥，她说：「试过最长倾电话系倾通宵，讲到见到太阳出嚟。」
Cloud说：「平时我唔系『树窿』，反而经理人系我嘅『树窿』，我喺佢哋身上学到好多谂嘢嘅方法，有时只要转一转念，就可能成件事唔同咗。」之前宣传另一首歌曲时，在行人专用区沉浸式睇书，今次讲电话，Cloud笑言下次想尝试在鬧市中间睡觉、煮饭、开餐等「生活化」的行为。
