卢慧敏（Amy）今年加入乐坛，她办「色」度非常高，事关至今推出4首作品名称都与「颜色」相关，第一首《Red Flag》，然后《白墙》和《绿荧》，新歌《粉月》MV昨晚上架。Amy一身粉红色「地球防卫少女」造型亮相，虽然由头到脚包到实，但修长身型配40吋长腿劲抢眼！
Amy好满意自己的造型，当中有个按掣着灯的小机关，她笑言这是用来召唤太空船。拍摄期间她在小岛上的彩色村屋和壁画中穿梭，为配合后期加入效果，她对空气做动作，表情多多好可爱。她说：「多谢服装团队，只系用咗三日就赶起，我俾嘅资料系『太空衣』，佢哋再参考『地球防卫少女』同埋根据首歌嘅颜色，变咗今日我呢身造型！呢首歌系关于天马行空、幻想、充满FF、超现实，服装团队整呢套唔系地球应有嘅服装，然后我请髮型师和化妆师一齐去谂呢个唔似现代，又唔现实嘅得意造型。」
「新歌《粉月》系我今年第一首开心嘅歌，之前三首歌呢都系比较有型或者思考人生，今次可以俾大家睇到我另一面，就系平时我喺屋企或者喺朋友面前会展示，一个天马行空、不切实际嘅我。我觉得咁样好重要，因为我哋要容许自己脑袋天马行空，好似我嘅偶像宫崎骏先生，佢创作力好强，好多令人感动嘅作品。」她坦言私底下经常有很多奇怪想法，说：「其实每个人都有好多面，我听得最多系话我怪怪哋、奇怪、古灵精怪，呢首歌带出我不同嘅一面，希望大家都锺意。」
《粉月》由陈孟奇Hagen和李俊纬Marcus Lee作曲、梁栢坚填词、Mike Orange编曲及监制。Amy感谢Mike Orange除了为歌曲注入很多有趣的细节位，还在录歌时给她很大鼓励，她说：「佢好好，叫我放胆唱、去尽啲，而且我哋仲同样好锺意动漫！」
在MV故事中，Amy由宅女变成地球防卫少女，加入大量有趣又天马行空的电脑画面，特別邀请电影《触电》后期视觉效果的高手「仲文」担任导演。Amy说：「今次MV班底都好劲，因为个idea系天马行空，好多非现实嘅嘢，我觉得需要做好多后期，同埋Animation，所以我就谂到仲文。仲文系我最近拍嘅电影《触电》后期制作，佢可以将谂到嘅嘢变成画面，呈现比观众睇，带嚟呢个现实世界。」
