寰亚乐队Nowhere Boys今年出道十周年，以信件为音乐企划主题，今年第四首作品《给胜利者的一封信》MV压轴面世，由五个小朋友组成乐队「Super Nowhere Kids」担任MV主角，现场布置成儿童版Nowhere Post Office，并穿上之前他们在之前的MV同款制服，玩乐器夹band有板有眼。而最尾一幕，主音Van接到小朋友的亲笔信时，突然感动落泪。
Van说：「我真系唔知道有收信一幕，因为之前几个MV都系由我哋派信出去，今日竟然收信，仲要系小朋友嘅字迹。感觉好似系我哋做咗咁多嘢出去，终于有回报，嗰一剎那真系好感动！」拍摄MV前夕适逢Van生日，台前幕后唱生日歌为他庆祝，他捧蛋糕与队友和小朋友一齐许愿。他说：「刚才share咗愿望畀大家，希望大家把握愿望，谂清楚自己想做乜，尽力去实践。而我每年愿望都系为队Band，今年同样希望有好成绩！」
Van透露原本歌名太文青，他说：「新歌有英文名先，叫《Dear Youth》，即系给年轻人、青春，如果中文名叫『致青春的一封信』，会同首歌嘅编曲唔夹，太文青。多谢填词人兼MV导演Oscar帮我哋谂，第一封信『给失败者』，不如呢封信『给胜利者』，比喻一班人出去闯荡，凯旋归来嘅感觉。」Van赞MV布景设计心思细密，说：「今日个布景似曾相识，就系我哋Nowhere Boys Post Office嘅小朋友版，美术组同事好劲，细个一定成日贴堂，加上小朋友喺地下画咗好多图画，好有feel。佢哋仲有个好劲嘅名『Super Nowhere Kids』，一听就知系劲，公司快啲签啦！」
结他达人Ken亲自传授小朋友反手弹结他招牌动作，他说：「好开心，小小结他手真系好劲，最锺意佢弹结他嘅时候表情同我十分相似，好肉紧。」鼓手Nate赞小小鼓手青出于蓝，说：「佢只得九岁，我九岁嘅时候都未开始打鼓，佢已经好劲，我无嘢教佢，只系教佢转鼓棍。」
琴键手渔佬大赞小小琴键手多才多艺，精通弹琴、小提琴和作曲，而且拍摄时跟key弹。被在旁Nate戏谑：「点解你平时无跟key弹？」全场爆笑。渔佬解释：「我系一个意外！」Bass手Hansun与小小Base手同样是超级I人，齐齐露出尴尬而不失礼貌的表情，非常有趣。至于主音Van超满意小小主音，他说：「真系不得了，最紧要佢好靓仔！其实佢系阿Ken嘅姪仔，佢系我哋五年前《Superpowers》 MV演出，依家十一岁，仔大十八变！而且好有『传承』嘅感觉。」
随着十周年音乐企划的压轴作品面世，Nowhere Boys推出全新专辑《Letters of Nowhere》。Van透灵碟内有惊喜，说：「今次包装设计好特別，整到一封信咁样。收录咗十几首作品和postcards，有啲隐藏嘢要自己发掘。」Ken补充：「仲有我哋五个亲笔写嘅信，之前嚟过Nowhere Boys Post Office嘅popup store可能抽到其中一封，买专辑就有齐五封信啦！」
