踏入2026年，「唱作王子」冯允谦（Jay）喜事一浪接一浪，元旦日在叱咤乐坛颁奖礼首次夺得男歌手金奖；首个个人户外演唱会「BLUE MOON WANDERLUST 冯允谦演唱会2026」今日（17日）起，一连两日在西九文化区竹翠公园举行；全新专辑《FRAGMENTS OF MY MIND》亦于今日面世。
Jay说：「去年开始筹备呢张专辑时，无谂住要咩主题，或者要求任何连贯性，好想随意发挥，想写乜就写乜。结果发现每一首歌都有关于我嘅人生同埋成长，所以最后决定以《FRAGMENTS OF MY MIND》作为专辑名。」随专辑附送一支笔，让歌迷参与专辑创作，他说：「可以喺碟内嘅纸、相册或者歌词集上写低想法，发挥想像力，或者写啲想记低嘅事。」
去年Jay产量甚丰，有中文歌，亦有英文歌，几乎全都是他亲自作曲，甚至参与部份歌曲填词和MV创作。灵感满满的Jay，画画天份如何？他自信地说：「早前返加拿大屋企搵到一个箱，裏面有好画册，原来我细个对画画都几有兴趣，长大后兴趣去咗音乐方面。当时我会画啲天马行空、好奇怪嘅嘢，虽然画功唔系好叻，但好有想像力，细细个有呢啲兴趣和培训。依家拍MV我会想像故事，例如《See Through Ya》MV，我建议用stop motion（定格动画）手法，用好多张相、好多图画、sketch（素描），可能因为我自小有呢啲兴趣，先至会想放喺MV度。」
所谓「歌迷随偶像」Jay的歌迷画功和创意亦很丰富，他笑说：「朋友嚟到我屋企，会以为我系自恋狂，因为我放咗好多画或者有我个样嘅摆设，其实都系歌迷画畀我，佢哋真系好sweet，好多谢佢哋。」
