寰亞唱作歌手陳健安，日前出席瑜伽服飾品牌lululemon 「Align系列十周年活動」，唱歌表演之餘，更與AK@MIRROR、DJ阿正、Cheronna@SuperGirls、音樂人小彤等嘉賓，以及「本原族族人」（安仔歌迷暱稱）一齊做瑜伽和分享。
安仔演唱《好好掛住》，並說：「我哋好容易成日叫人哋去放低或忘記者一啲嘢，對我嚟講，無人可以主動撳一個掣，話忘記就忘記，反而我哋要得要好好記低、好好掛住同你經歷過嘅人、動物或地方，喺入面搵一啲向前行嘅智慧。」安仔的說話感動了台下的嘉賓，甚至有人落淚。事後他在社交平台分享活動後感受 ，並留言「多謝每位被感動嘅你。多謝每滴真摯嘅淚水。」
安仔透露特別以「人生」作為歌單主題，想同大家分享生命中總有高高低低，不需要跟別人比較，好好面對自己過往的經歷，藉此轉化成前行嘅動力。他說：「希望大家遇到低潮時，花一天避靜，看看風景，看看心境，成就更好嘅自己。無論做任何事都好，都搵到屬於自己嘅節奏，不遲不早，感受當下。」
「好開心可以同大家一齊透過正念瑜伽去搵到身心健康嘅平衡，同埋透過音樂分享我嘅故事，希望俾到力量大家面對一切好與壞。」
