「唱作歌手」陳健安日前擔任本年度「延音MusicSus」音樂會表演嘉賓，打頭陣出場獻唱《戀愛腦之死》、《仍然是那個少年》和《未知道》，觀眾反應熱烈，揮動手機燈與安仔大合唱，全場星海，非常美麗。安仔相隔剛好一年再踏麥花臣場館的舞台表演特別興卜，他說：「好多謝『延音』嘅邀請，我對呢個台特別有感覺，因為去年2月29日舉行我首個個人實體演唱會，今日剛好一年，我好有feel。」
開騷前，安仔抽空與今次音樂會三十多名Busking年青歌手們見面，分享成為歌手之路。他笑言十幾年前每個周末都在旺角busking，面對各種挑戰，練到心臟強大。被問到求學時「玩音樂」被視為興趣、不被重視，如何面對？安仔說：「我都有遇過，讀大學時，媽媽當我唱歌只係『課外活動』，畢業時佢問我係咪做護士？唱歌都係玩吓啫！但我話『認真架』。佢冇阻止我，由細到大，無論我踢波定唱歌，佢都支持，但係擔心我生計，直到現在都會問我夠唔夠錢使。」他強調從來不會被別人阻礙自己決心想做的事情，只要認真地做，積極和自信，努力做到好成績。
安仔又分享遇到挫折時，如何調整心態，他說：「唱歌會遇到好多難題，例如某個音唱得唔好，我會開心，因為有挑戰。唱得唔夠好係唔夠練習，我會請教老師、紀錄每一次練習，即使係好微細嘅變化。有時我哋會被自己感覺欺騙，所以無論唱歌或者做體能訓練，我都會認真做紀錄，呢個係我嘅心得。」分享會後大合照，年青歌手們亦爭取機會帶了結他、唱片等紀念品讓安仔簽名留念，非常熱鬧。
