唱作歌手陳健安與泰國樂團SCRUBB，上周五（20日）為香港啟德體育園體藝館啟用後首場演唱會《CHILL เก่ง Music Festival》表演。同場還有香港歌手組合MIRROR、AGA、ERROR、COLLAR，以及泰國歌手Jeff Satur、D Gerrard、BOWKYLION及4EVE等，吸引大批粉絲到場支持，約5,500名觀眾到場。
安仔與SCRUBB一見如故，SCRUBB送安仔紀念tee恤，並相約之後再在音樂上合作。安仔說：「我好早就有留意SCRUBB，幾年前佢哋為泰劇《只因我們天生一對》唱OST時已經好喜歡，我亦有cover，喺IG開live自彈自唱，今次見面合唱，我好開心和期待。而我喺泰國旅行時創作《之後的一天》，今次佢哋選唱呢首廣東歌，真係好有緣份。最神奇係佢哋第一次聽到呢首歌，就大概估到歌詞意思，而且廣東話亦唱得好好。」
音樂會於晚上六時半開始，陳健安出場演唱新碟作品《戀愛腦之死》後，與香港男團ERROR合唱泰文版《流星雨》，舞台大銀幕播出他們親自「翻譯」的中英文拼音歌詞，非常搞笑，加上他們五子走到T台最前與觀眾互動，全場興奮歡呼。之後SCRUBB一連演唱幾首作品，安仔再度出場合唱安仔的廣東歌《之後的一天》，SCRUBB廣東話唱得有板有眼，最後加入ERROR合唱SCRUBB的泰文歌《一拍即合》。
