「唱作王子」馮允謙（Jay Fung）、陳健安、「寰亞孻女」黃淑蔓（Feanna）、雲浩影（Cloud）、樂隊Nowhere Boys與樂壇新人盧慧敏（Amy Lo)等，日前悉心打扮，出席於昂坪市集舉行，商台《2025年度叱咤樂壇流行榜頒獎典禮》記者會。Feanna穿上逾10cm高跟鞋，Jay到場見到她即滿腦疑問：「嘩，點解咁高嘅？」然後她開心地走到177cm高的Amy身旁，笑說：「我今日同你一樣高啦！」陳健安搞笑蹲低扮小朋友，笑言要Feanna姐姐和Cloud姐姐帶他夾公仔。眾星在後台玩得開心。
而大會安排健美先生，台上指導歌手們擺「大隻」pose拍照，事後Cloud稱：「要練到似佢咁健美，要非常自律地戒口和做好多運動，Jay你得唔得？」Jay說：「應該暫時唔得。」對於攞獎信心，Cloud坦言有所保留，說：「今年暫時未有信心，自己嘅歌都係做緊，未有一首跑出。」而Jay指自己今年推出了廣東歌、英文歌，希望做更好的音樂，但未有考慮會否得獎，有獎攞當然感恩和開心，因為可以報答同事們的努力，但都是先做好音樂為主。
對攞「男金」有否信心？Jay Fung表示：「每一年都係咁樣，做好自己音樂，如果有人欣賞，或者得到咩獎項我都係好開心。或者如果得唔到都好，我都會戥其他人開心，因為每個人都好努力，唔係淨係我自己一個。（有Fans話今年點對你好有信心）呢啲都唔係我決定到，淨係做好自己音樂，每一年都係要做啲人哋喜歡嘅作品，我自己又喜歡嘅作品，咁就過到自己個關。」
