剛推出專輯《Letters of Nowhere》的寰亞樂隊Nowhere Boys，日前在西九聖誕市集為「WestK Christmas Festival」演出，過百fans捧場，非常熱鬧。今年是他們成軍10周年，有忠粉帶來他們出道至今推出的所有EP及專輯，令他們又驚喜又感動。
Nowhere Boys演唱《地球候機室》揭開序幕，接著《致旅途中的我》、《種子》和《我在》等歌曲，全場Fans揮動應援手幅毛巾，氣氛熱鬧。然後他們唱出10周年音樂企劃「NWB Post Office」的其中兩封「信」：《給夢想家的一封信》和《給勝利者的一封信》。Fans意猶未盡，Nowhere Boys預告明年1月30日在「The Big Top @AIA Carnival 友邦嘉年華」的大帳幕舞台舉行的「JamNgok 2026 」演出。而10周年紀念tee和周邊亦陸續登場，讓Fans預購。
主音Van興奮地說：「預告一下俾大家聽，呢場將會係 NWB Post Office 企劃嘅最終章，郵局將會喺1月30號，限定一晚復活。喺大帳幕下，我哋將會以郵差身份，用四封信貫穿10年以來嘅旅程，非常期待喺呢個對我哋咁有意義嘅音樂會見到大家！如果喜歡《Letters of Nowhere》專輯，一定唔可以錯過我哋嘅現場演出！」
