藝人蔡穎恩（Evelyn）日前穿上白色低胸裙亮相，性感出席伯爵位於尖沙咀全新旗艦店的活動。她坦言為了穿這襲裙子，兩日戒口只食沙律，又穿束胸衣和收腹褲打底，她笑說：「經理人經常鬧我有寒背，所以我要提醒自己腰板要好直，今日再加埋著咗束衣，唔係咁方便坐低，我好似一隻企鵝。」問她出門前未有讓老公先過目批准？她表示沒有，因對方已習慣。Evelyn透露反而早前穿得更性感，老公都為之側目。如何安慰老公？她說：「喺屋企就會着少啲，畀番啲甜頭佢。」大曬恩愛。
最近除了忙了拍戲，Evelyn透露與好友、時裝達人林皓霆（Charles）拍檔主持網上節目，名叫《衫P》，以時裝為主題，每集邀請不同嘉賓亮相，預計節目下月出街，她還預告在節目中，衣著上會有大膽嘗試，有驚喜。
