歌手鄭欣宜（Joyce）日前出席譚仔雲南米線試食活動，穿上鮮黃色上衫配紅耳環的她，相當搶眼。對於餐廳推出其中兩款特飲用料大膽碰撞，讓Joyce想起之前跟兩位人氣歌手ANSONBEAN 和Serrini合作，擦出驚喜新火花，她說：「凍奶蓋熱情果青瓜特飲，令我諗起同ANSONBEAN合唱版本嘅@princejoyce，青瓜嘅鮮味代表咗ANSONBEAN，好似呢杯特飲咁Green，咁清新，熱情果就好似我，呢個合作令人感覺好fresh，好爽。」至於忌廉溝豆乳，Joyce 比喻與Serrini合唱版本《先哭為敬》，她說：「我哋呢個組合畀大家驚喜，但又一種熟悉嘅感覺，就好似呢杯特飲！」
無辣不歡的Joyce，對於新推出的米線顯得特別興奮，她說：「通常因為有工作，尤其唱歌表演之前唔可以食辣，就會將辣湯底轉為番茄湯底，但其實我無辣不歡，好鍾意好鍾意食辣。對於今次用咗3種辣椒製作嘅新湯底，啱晒我，仲好有層次感。呢兩日唔使唱歌，我可以盡情食辣！」農曆新年將至，Joyce揚言要桃花運，她說：「新年希望事業更上一層樓，我要好多好多桃花，因為桃花就是人緣，至於姻緣嘅桃花就隨緣啦！」
