梁釗峰、岑寧兒（Yoyo）和陳宗澤（CY）日前為音樂節目「Music Panda」擔任表演嘉賓，在雪糕店內開LIVE騷，三位靚聲輪流獻唱讓樂迷大飽耳福外，他們更與在場半百觀眾一齊食月餅預祝中秋節，場面溫馨熱鬧。
釗峰先後唱出《愛情難以許可我們回到當初(1717)》、《月亮不代表我的心》以及跟Yoyo合唱《自得其樂》。Yoyo則帶來《勿念》、《常願意》和《誰來剪月光》，而CY就唱出《滴滴金》及《塵世美》。三位嘉賓唱歌之餘，亦有分享過中秋的難忘回憶。釗峰回想起小時候拿着比自己高的卡通人物造型燈籠，與媽媽行海旁時一臉滿足。他說：「攞個好大嘅燈籠出嚟覺得好威，同埋小朋友係唔俾出夜街，每逢中秋就攞正牌同媽媽做夜青。」Yoyo認同表示：「細個覺得中秋係可以夜瞓嘅藉口。」
至於今年的中秋大計，三位不約而同都希望跟家人食團圓飯。釗峰亦期待於當晚視訊身處在不同地方的好朋友，他表示：「有幾個好重要嘅人都喺第二個地方，好想同佢哋FaceTime，分享下個月亮同天氣係點、大家又過成點，要珍惜呢啲『見面』機會。」
