BIG FOUR成員張衞健、許志安、蘇永康及梁漢⽂為TVB慈善籌款節⽬《萬眾同⼼公益⾦》，打頭陣獻唱《真真假假》、《不想獨⾃快樂》、《愛你》、《重新做⼈》，等經典⾦曲外，並送上新歌「赤⼦們」。
梁漢⽂表示BIG FOUR與TVB好有緣，當年成團後⾸次現⾝唱新歌同樣是於TVB的慈善騷，更⼤爆當年被隊友整蠱：「仲記得嗰次開場前緊張去咗廁所，你知呢啲好隊友總會搞吓你，我明知道未夠鐘，佢哋搵個⼯作⼈員入嚟扮倒數，嚇我預備開騷。」張衞健即搞笑演繹當時緊張情況。梁漢⽂是否隊中經常被整蠱對象？他笑稱是緣分到，是隊中⼀種特別的⿎勵⽅式，反⽽令他緊張全消，輕鬆上台演出。經常到電視城演出的蘇永康⾃薦做導遊，帶幾位兄弟遊覽參觀。
對於演唱會優先⾨票已全數售罄，感到很⿎舞。問到有否⽋⾶債？張衞健表示若然公司「Cut⾶」便不能再替朋友撲⾶，但亦即代表銷情好，故⼼情相當⽭盾。談到許志安近⽇為演唱會努⼒跑步修⾝，他笑稱訓練程度媲美參加⾺拉松比賽。笑說：「我哋咁嘅年紀冇乜可能露⾁，但都希望⾃⼰⾝形好啲，提醒⾃⼰可以做得更加好。」張衞健即擺出⼀副賣健康食品廣告補充：「我哋呢啲唔係話開演唱會先做準備，健康係儲返嚟㗎！」
