云浩影（Cloud）早前以多个可爱造型拍摄新歌《到了那裏就对吧》MV，拍到凌晨时份，转到一个旧式商场内取景，店舖都已关门关灯，而商场本身的灯光非常昏暗，气氛相当迷离，拍摄期间器材连环短暂失灵，灯光亦无故又关又开，即使现场沒有空调，亦令人不寒而慄。工作人员大叫「唔好意思，我哋好快拍完架啦」，灯光立即回復正常。而事后Cloud坦言当时埋位时自言自语「我净系想顺利收工」，结果顺利完成，松一口气。
Cloud为了全心发展歌手梦，辞去OL工作，之前第一首主打歌《愿望之翼》，她凭歌寄寓自己勿忘初心，为梦想飞得更高更远。而今次新歌《到了那裏就对吧》不但是Cloud是心声，同时她亦藉着歌曲，鼓励迷失的年轻人，要相信自己，不要为迎合別人而改变。她说：「呢首歌嘅歌词，对象系对一啲有思想有谂法嘅年轻人，即系我啦，哈哈！有时候我哋好想融入社会，做一个大家心目中成年人嘅模样，经过好多尝试、迎合和适应，然后发现呢条路原来唔啱自己，倒不如去做一个自己想做嘅成年人，从自己内心出发，并唔系社会定型嘅模样。」
虽然拍摄场地沒空调，又热又焗，Cloud穿着毛衣拍摄都毫无怨言，令人佩服。作为「MV初哥」，首次与其他演员做对手戏，她显得特別紧张，频频NG。她说：「我第一次拍MV被咁好多人望住， 好紧张，点知仲要NG，真系好尴尬。但佢哋真系好好，无怪我，而且每位都好专业，我有静静鸡偷师！」而她还表示首次由主意到和音都一手包办，很特別的经验。她说：「好开心今次同Carl叔叔（监制王双骏）合作，佢同我分享咗好多有关呢首歌嘅谂法，同埋编曲技巧，我学到好多嘢。作曲人吴林峰系识咗好耐嘅朋友。填词人锺说，好锺意佢写嘅词，一直都好想有音乐上合作，巧合地当Carl叔叔一听到今次首歌嘅Demo，就话搵锺说填词，同我心谂嘅一样，所以特別开心。」
