恭喜钊峰双喜临门！
明天（31日）是梁钊峰生日，唱片公司「寰亚音乐」日前在荃新天地举办「Citywalk X 梁钊峰 Summer Hang-out」活动替他庆祝，全场逾百「峰心粉」（钊峰歌迷暱称）大合唱生日歌和送上蛋糕。并隆重宣布，钊峰的个人歌迷会「峰心学院」正式成立，让他今年生日別具意义，喜上加喜！钊峰更邀请同门小师妹云浩影（Cloud）和「造星V」学员李嘉俊（Carson）出席唱歌表演，及与现场Fans玩游戏，大派礼物和合照留念。
钊峰出道14年，过往以C AllStar团迷为主，他单飞发展两年，终于成立个人歌迷会，笑言要向Cloud和Carson两位「请教」，他说：「我个人歌迷会今日成立，呢方面好green，想请教两位同Fans喺歌迷会交流嘅心得。你哋会同Fans分享啲咩？」Cloud透露会与Fans交流打机心得，说：「我会同大家联谊吓，分享Fans独有嘅福利，TG Group好似一个小天地，可以尽情做一个好开心嘅自己。」钊峰认同：「系，可以乜都倾，因为佢哋好爱我哋，可以好放，佢哋反应亦好直接。」身旁的Carson对钊峰说：「其实我FC都系刚成立，早你少少，但无你咁大范模。因为Fans锺意听我哋唱歌，有时会录几句歌分享，亦会分享私相簿。（你同女友啲相？）没咁私密，只系同朋友一啲有趣嘅生活照。」
对于歌迷会取名「峰心学院」，钊峰解说：「我谂咗好耐叫咩名，除咗『国际国迷会』咁官方嘅名之外，我就谂到叫『峰心学院』，因为我啲Fans叫『峰心粉』，我想成立一个『学院』，佢哋平时叫我『教授』，希望佢哋好似入到大学有唔同『社』，我兴趣好多，锺意跑山、身心灵嘅、禅座、Board Game（棋盘游戏）⋯⋯希望有唔同嘅『社』畀佢哋参与。」提到集体游戏，Cloud兴奋地提议玩「狼人杀」和「剧本杀」等真人角色扮演游戏，钊峰立即邀约他们一齐玩。他又搞笑玩食字，说：「我呢个『峰心学院』又名『峰心禅院』，希望大家接收我嘅讯息，即系『收风』，亦可奖『修心』！」
活动上，钊峰演唱两首新歌《已⋯⋯（3235）》和《爱情难以许何我们回到当初（1717） 》，Cloud亦演唱新歌《无以名状的痛》，而Carson表演张敬轩作品《隐形游乐场》，完场后异口同声表示未够喉，希望一齐开音乐会，以不同配搭形式合唱。Carson表示刚才在台上紧张到手震，Cloud安慰他说：「你表现得好好，其实我都学习紧，上台仍然会好紧张。」钊峰鼓励他们说：「你哋控场好好。我嘅紧张好视乎台下观众系边一类，如果系自己友，我就会轻松啲，甚至特別放。如果台下观众未认识我，或者挠埋手睇吓我唱成点先，我就会有『无以名状嘅压力』。」
