即将10月红馆举行演唱会的草蜢，昨晚（4日）与郑欣宜（Joyce）和汤令山（Gareth.T）一齐上ChillClub，分別crossover 演唱《怎么天生不是女人》和《一加一加一的爱》，原来今次邀请合作全是蔡一智的私心。
相隔多年，草蜢与Joyce再度同台合唱表演，阿智赞Joyce：「早前睇咗Joyce红馆演唱会，好感动，佢嘅台上光芒越来越劲，而今日邀请佢同我哋合唱之余，我系有私心，好想现场欣赏佢表演新歌《GLITTERFALLS》，刚才睇到佢又唱又跳，好精彩。」Joyce表示感谢，说：「好开心可以同草蜢哥哥crossover佢哋嘅歌，我拣咗《怎么天生不是女人》，是杰仔哥哥作曲架！」蔡一杰笑说：「真识货！」
至于Gareth.T，他来自美国伯克利音乐学院，阿智扬言以他为努力目标，说：「Gareth.T返嚟香港后，为乐坛好多歌手写咗好多好作品，我好留意佢，尤其是佢来自嘅音乐学院，系我好仰慕嘅学院，我希望退休后可以去读。」在旁杰仔笑指阿智妄想。
今次合唱，Gareth.T花了很多心思，在众多草蜢金曲中挑选合唱《一加一加一的爱》后，还主动参与新编伴奏部份，他说：「我好锺意呢首歌嘅小提琴伴奏部份，好有法国风味。」原作者阿智好感动：「系呀，我写嘅时候就系想带出法国情怀。」杰仔说：「虽然呢首歌系多年前嘅作品，但我哋好少公开演唱，今次因为Gareth.T而表演，难得好机会。」苏志威建议新编曲版本加入他们红馆演唱会的歌单内。
