生日快乐!!!
「寰亚孻女」黄淑蔓（Feanna）今日（8日）24岁快乐生辰，日前她亲自到Fans应援咖啡店打卡，又到商场影贴纸相，非常开心。每一个细节位都尽显Fans对Feanna的了解和疼爱，令她非常感动。提到今年的生日愿望，Feanna坦言过去连续两年都是「瘦身成功」，经过她的努力终于如愿，笑言今年生日愿望有「更新版」！
Feanna推门走进咖啡店，看到漫画版的自己和喜爱的Chiikawa动漫角色「飞鼠」，以及心形靓相墙，忍不住大叫「好靓呀」，Fans送上花束和礼物，Feanna爱不释手。期间一位客人入店买咖啡就是为了她的生日应援礼物，想不到回头见到本尊立即惊喜到呆了，笑言比中大奖更开心。Feanna说：「今日嚟Cresc coffee，因为Fans为我搞生日应援，我嚟支持自己！做咁多布置和应援物系好复杂，要花好多心机、时间和爱，我真系好感动。我哋都系少女，锺意嘅嘢都好类似，同样锺意『飞鼠』和Relakkuma（松弛熊），佢成日画画送畀我，我都有画Kuma仔送畀佢架！」
「生日愿望最重要系身体健康、工作顺利、做到自己锺意嘅事、日日开心。去年、同埋去去年嘅生日愿望都系瘦身成功，今年有少少成绩啦，但我唔会松懈，继续努力！」Feanna说。生日应援的咖啡店摆放她第一张个人专辑「Feanna 17+」，她戴上耳机回味一番。笑说：「呢张唱片系我18岁生日嘅时候推出，我今年19岁啦⋯⋯哈哈哈，讲笑！刚才我听咗《Dream My Dreams》，希望好快再出唱片送畀大家。今年我出道10周年，好想推出一个作品送畀呢10年嘅自己，同埋我一直有个心愿举行开个人音乐会。」
对于新歌《未至于》推出后，Feanna与不少歌手朋友在IG联乘合唱版，她说：「呢10年裏识咗好多圈中朋友，我好锺意搵佢哋倾偈，好想有机会同大家collab，所以就胆粗粗广发邀请。好开心好多朋友愿意帮我，同我一齐唱，好感动。我同每一位合唱嘅时候再倾多咗偈，更多bonding（紧密关系），多谢大家嘅帮助和爱。」
稍后Feanna跟郑伊健到美国和加拿大为「Here & Now 2025 EKIN IN CONCERT郑伊健演唱会」 巡唱演出，她兴奋表示将首次踏足加拿大，好期待。她说：「我咁大个女第一次去美国，就系前年跟伊健哥哥演出，好耐没坐长途飞机，好期待。我会带游戏机去同伊健哥哥玩，不过佢一定都会带游戏机同埋好多嘢去玩。」
