寰亚乐队Nowhere Boys （NWB）成军十周年，于尖沙咀The ONE L606店舖开设NWB POST OFFICE「给十周年的概念店」，上周六（23日）邀请好朋友陈健安（安仔）担任「Nowhere Boys mini live gig」嘉宾，更巧妙地将乐队名最开头两个字母调位，变成加入安仔后的一日限定乐队「ONwhere Boys」。
音乐会吸引过百Fans报名入场欣赏，非常热鬧。NWB以《大不了的一代》打头阵，然后演唱《地球候机室》和《票房毒药》。更受BIG FOUR早前红馆演唱会「四手合奏一支结他」的表演启发，5子合奏一支低音结他表演。主音Van笑言破坏了原曲的气氛，琴键手渔佬扬言太刺激，出了一身汗要除外套散热。
安仔出场，与NWB表演他今年第一首派台歌《不迟不早》和NWB新歌《给受困者的一封信》。安仔说：「呢两首歌背后意思好接近，都系叫大家畀啲时间，畀啲耐性。」而唱《我们的移动城堡》时Van说：「呢首歌安仔曾经喺『拉阔音乐会』solo，我觉得安仔系除咗我之外，最适合唱呢首歌嘅人。」安仔说：「可能都系由Oscar填词，好夹我嘅风格，今日同原班人马合作，互相发放嘅能量好劲，好有同行嘅感觉。」安仔并分享与Van初相识时，有一次参加毅行者筹款活动，Van带埋女友，即现在的太太Wendy攀山涉水去打气，令他感动。
音乐会尾声安仔有惊喜彩蛋，他说：「我今日带咗我亲手夹嘅公仔嚟举行『爱心领养』，大家捐钱抽号码领养一只公仔，所有捐款全数捐出。」他更为善长和公仔加持，跳舞、唱歌、拍照、送祝福，Fans满载而归。据悉安仔这次将捐款帮助流浪猫狗。
同场Van穿上新鲜出炉NWB十周年纪念tee，他说：「呢件tee由我太太设计，除咗印有10周年和NWB 嘅logo，仲印咗Nate （鼓手）手写畀fans嘅英文信。开头写住Dear，将来为fans签名时可写上对方名字作为上款，小小心思。」
Van并宣布好消息：「NWB等咗好多年终于冲出香港啦！9月我哋会去新加坡参与『JAM OFF 2025』音乐节 ，劲啦，我哋系同郑伊健一齐架，Oh My God！」他是伊健的忠粉，提起即笑到见牙唔见眼。被指是追星天花板的Van说：「咁锺意一个偶像，由细听佢嘅歌、睇佢嘅戏长大，大个咗有机会同偶像一齐出trip，夜晚我哋会唔会喺酒店⋯⋯（安仔：食胡椒蟹、肉骨茶）唔好太多幻想，系音乐交流呀！」他表示会悉心选歌，让更多人认识NWB。
