在韩国选秀节目，凭着跳唱《BANG BANG BANG》片，网上爆红的香港年轻男艺人杨煜谦（Nicolas），将于下月2号23岁生日，「羊肉串」（杨煜谦fans暱称）为他准备生日应援相框，在全港接近30个自拍亭上架，9月7日前可以与Nicolas「合照」，其中一款更有他「Bang Bang Bang」招牌跳舞手势。昨日他与小师姐连家颖（Vian），以及两位同门新人江博熙（阿熙）和成基哲（Blues）拉队到旺角T.O.P的Snapio率先试玩。4个00后大细路塞爆自拍亭，非常搞笑。
Vian、阿熙和Blues大唱暴走版生日歌为Nicolas预祝生日，并祝他身体健康，好似他跳唱《BANG BANG BANG》时一样充满能量，「BangBang有力」，Vian祝他追梦路上好好享受，找到快乐！Nicolas生日愿望：「继续进步、继续努力、天天向上，因为我仲有好多缺点，仲有好多进步空间。」
去年以女团Me&出道的Vian，转眼荣升师姐，面对3位靓仔师弟，她赞口不绝。「出道一年突然荣升大师姐⋯⋯哎呀，收返个『大』字先，我只系『小师姐』，好大压力！我记得第一次见Nicolas，佢准备去韩国比赛前，喺排舞室睇到佢跳唱表演，觉得佢好吸睛，眼神好锐利，好吸引，忍唔住会继续睇佢。」Nicolas感激小师姐充满正能量：「Vian畀好多鼓励，成日搵到好多位赞我哋，例如佢睇完我表演，赞我讲韩文OK，其实我唔识。」
其实识讲韩文是Blues ，因为他是半个韩国人，还用韩文向大家讲「我爱你」和飞吻，搞到Vian大叫「好害羞」！Vian说：「Blues好犀利，一个人搞掂晒作曲、填词、混音、唱歌，全能音乐人。」Blues原来早在加入寰亚大家庭之前已邂逅Vian，被她高度和靓样吸引。原来Vian的高度亦令小师弟阿熙难忘，他说：「我哋第一次见面喺工作活动，心谂『哗，呢个女仔咁高嘅？』搞到我嗰日唔敢松懈，企到好直，好惊企佢隔离变矮。」Vian笑指阿熙反差萌，笑说：「初相识以为阿熙好内敛同埋害羞，相处后发现佢脑洞好深，好多冷笑话，几乎接唔住！」
